Дахин боловсруулах хог хаягдал 20-400 төгрөгөөр худалдан авах явуулын цэг ажиллаж байна

Монгол улсын хэмжээнд  жилд 2,2 сая тн  хоёрдогч түүхий эд гардагаас 3-5 хувийг дахин боловсруулж байна. 2019 оны байдлаар  хог хаягдал дахин боловсруулдаг 57  үйлдвэр 100 гаран бизнес эрхлэгч, ялган бэлтгэдэг 200 гаруй цэг, түүнд 2000 гаруй ажилтан ажиллаж байна.

Тус үйлдвэрүүдэд бүх төрлийн хуванцар, гялгар уут, лааз, хөнгөн цагаан хайлш, хар төмөрлөг, яс, үнс, картон цаас, ном, сонин, бичгийн цаас, малын арьс шир, арьс шир боловсруулах үйлдвэрийн хаягдал, ой модны хаягдал зах, зоргодос, мод боловсруулах үйлдвэрийн хаягдал үртэс, хуш модны самрын яс, цэвэрлэх байгууламжийн лаг, дулааны цахилгаан станцын үнс, хоол хүнсний үлдэгдэл зэрэг хаягдлыг дахин боловсруулж нэмүү өртөг шингэсэн бүтээгдэхүүн үйлдвэрлэж БНХАУ-д экспортолж  байна.

Дахивар авах цэгийн хүрэлцээ бага байдаг. Тэгвэл дахин боловсруулах хог хаягдлаа ангилдаг иргэдэд ойртож, хог хаягдлыг явуулын цэгээр авах ажлыг Хоггүй монгол ТББ, СБД-ийн ИТХ, ЗДТГ, Zero waste club, Төвшин сайхан төв гэх мэт төрийн болон төрийн бус байгууллагууд нэгдэн зохион байгуулж байна. Тухайлбал эдгээр байгууллагуудын төлөөлөл өнөөдөр 12 цагаас 17 цагийн хооронд  Улаанбаатар чуулгын төв талбайд иргэдээс дахиврыг тодорхой тарифын дагуу худалдан авч байна. Дахивар худлалдан авах үнэ тарифын тухайд: